Bo día,
Lembramos que mañá, día 22 de maio, ás 11:00 h, abrirase o prazo de inscrición nas actividades e servizos organizados pola ANPA para o vindeiro curso 2025/2026.
En cada solicitude aparecerá un resumo das actividades e servizos solicitados. Antes de enviar a solicitude, por favor, comprobe:
- Que o resumo é correcto (que coinciden as actividades e o grupo de idade no que desexa inscribir o/a alumno/a).
Teña en conta que:
- O correo de confirmación pode tardar un tempo en chegar.
- No momento en que envíe a solicitude, verá no seu dispositivo unha mensaxe que indicará «foi enviado correctamente». Con esa mensaxe debe estar seguro de que a recibimos (non envíen solicitudes repetidas).
- Para que a información da ANPA lle chegue correctamente, é moi importante que os correos electrónicos proporcionados na inscrición non teñan ningún tipo de filtro (lista Robinson ou similares). Tamén é posible que os correos cheguen á carpeta de Spam, polo que lle recomendamos que marque como coñecidos os correos da nosa asociación para asegurarse de que cheguen sen problemas.
Un saúdo