Pais e nais preocupados pola formación dos nos@s fill@s. Iso é o que nos move, o que nos dá a forza para organizar as actividades e para contribuír a artellar a comunidade educativa que se sustenta en dous piares: docentes e familia. Dous fundamentos que moven o futuro dos nos@s fill@s.

Educar vai máis aló do coñecemento, atinxe aos valores. E aí radica o noso traballo.

Dende a Anpa A Feradura estamos para asistir en todo o que concerne á educación d@s nos@s pequen@s e para promover a participación das familias.

Apostamos pola diversidade, pola educación inclusiva e defendemos a conciliación da vida familiar e laboral.

E, como non, todo isto guiados pola Declaración Universal dos Dereitos do Neno aprobada pola ONU en 1959, que recolle no punto 5 o «dereito a unha educación e a un tratamento especial para aqueles/as nen@s que sofren algunha discapacidade mental ou física».

Abrimos dende aquí esta porta a toda a comunidade educativa e animámosvos a participar de maneira activa.

Tod@s somos comunidade.