Bos días, familias.

Neste curso non puidemos celebrar as xornadas de portas abertas para vós no comedor, por motivos de todos coñecidos, pero eso non implica a non supervisión e control do servizo e os menús.

Informámosvos de que tres dos membros da directiva acudiron, en dúas xornadas distintas, a degustar a comida e valorar o servizo. O resultado foi positivo e non distou do de anos anteriores.

A semana pasada outro dos nosos membros, con formación alimentaria específica, reuniuse coa empresa de catering (Ruta Xacobea).

Realizan reunións semestrales in situ, coa nosa coordinadora e un de nós, para actualizar o menú para os períodos de outono-inverno e primavera-verán.

Optimízanse en función dos gustos maioritarios, podendo ser modificados segundo a aceptación e os nosos comentarios.

A base é a dun menú saludable e equilibrado en nutrientes, que non precise ser complementado na casa.

Ante a petición de algúns pais e nais de baixar a cantidade de verduras, non sendo esto posible, aceptan presentalas mais cortadas e enmascaradas en salsas.
Confirman que as verduras son cocidas ó vapor, provando unha película envolvente e aproveitando ó máximo os nutrientes.

Agardamos que o próximo curso poidamos volver a realizar as comentadas xornadas de degustación do menú, ás que acudiades en gran número. Pero, mentres tanto, queriamos informarvos das accións adoptadas.

Un saúdo.