Estimadas familias;

Informamos que a partir do día 13 de xaneiro ábrese o prazo para renovar a actividade de natación que se realiza nas instalacións da USC.

 Un saúdo

NATACIÓN 2º CUADRIMESTRE ( do 1 de Febreiro ao 31de Maio)

• LUNS ——————— 16:30 a 17:15 (10 prazas)
• MARTES —————- 16:30 a 17:15 ( 6 prazas)
• MÉRCORES ———— 16:30 a 17:15 ( 5 prazas)
• XOVES ——————– 17:15 a 18:00 ( 10 prazas)
• VENRES :
  • 1º grupo ——— 15:45 a 16:30 ( 18 prazas )
  • 2º grupo ——— 16:30 a 17:15 ( 18 prazas )
  • 3º grupo ———17:15 a 18:00 ( 18 prazas)

REQUISITOS:

Renovacións: os inscritos no 1ª cuadrimestre deberán confirmar a súa asistencia para o 2ª cuadrimestre no local da ANPA ou ben chamando o 699973596

Do 13 ao 17 de xaneiro de 2025 (a non confirmación entendese como baixa)

Prezo: Renovación; 56,50€/ cuadrimestre. (1 clase semanal)

Novas inscricións: podedes atopar a información de prazas dispoñibles e procedemento de inscrición no local da ANPA.

Do 20 ao 24 de xaneiro de 2025.

Prezo: 56,50€/ cuadrimestre. (1 clase semanal)

NOTA: Segundo normativa do servizo de deportes da USC, é imprescindible que os nenos/as que accedan a esta actividade teñan DNI e cumpridos os 6 anos de idade ademais de ser autosuficientes para desenvolverse nos vestiarios.

Estimadas familias

Resolto o Reto Matemático!!

Os grupos gañadores terán un agasallo sorpresa que se entregará o día do Festival de Nadal.

Podedes atopar a información neste enlace

Aproveitamos para lembrar que o vindeiro martes día 17 farase un Mercado Solidario co fin de axudar a biblioteca do CEIP Carme de Miquel en Algemesí.

COLABORA!!

Un saúdo

Estimadas familias!! 

Na asemblea do xoves pasado comentamos a iniciativa dun Club de Lectura de Adultos para toda a comunidade educativa. Vai un documento coa información e a ligazón a un formulario para quen estea interesada na inciativa. Animádevos!!

FORMULARIO:

https://cryptpad.fr/form/#/2/form/view/y6dF10eNG33jZKz490DXTj-dagKnbQmFVyKZ7uXJzS8/

INFORMACIÓN:

Díptico

i

i

Estimadas familias.A Plataforma Galega en defensa do ensino público chama a toda a comunidade educativa a manifestarse contra os recortes o próximo 26 de outubro.

A mobilización terá lugar en Compostela con saída ás 12 da Alameda e haberá servizo de autobuses desde distintas partes do país

A decisión vén motivada por un inicio de curso convulso, marcado polo contraste entre a propaganda da Consellaría e as protestas máis numerosas dos últimos anos protagonizadas polas ANPAs e polos centros educativos ante a falta de profesorado, sobre todo de especialistas para a atención á diversidade nos colexios de infantil e primaria, así como pola desatención absoluta ás demandas de alumnado e profesorado dos centros de secundaria, FP e ensinanzas de réxime especial. As organizacións convocantes queren pór de manifesto que a situación do ensino público non fixo máis que deteriorarse nos últimos anos con menos docentes (desmontando as cifras da Consellaría), máis materiais afíns e docentes compartidos por varios centros, menos especialistas para a atención á diversidade, máis burocracia e menos recursos públicos.

Animámosvos a participar, para defender un ensino público e de calidade.

Saúdos.